Böðvar Ingi Guðbjartsson

Böðvar Ingi Guðbjartsson er löggiltur pípulagningameistari og byggingarstjóri. Hann útskrifaðist frá Meistaraskólanum í Reykjavík árið 2007, en hafði þá þegar starfað við pípulagnir frá árinu 1991 og áður lokið sveinsprófi í pípulögnum.

Á rúmlega þriggja áratuga starfsferli hefur Böðvar aflað sér víðtækrar reynslu á sviði pípulagna og lagnakerfa. Sérþekking hans nær meðal annars til hita- og neysluvatnskerfa, fráveitukerfa, sérhæfðra lagnakerfa, hreinlætistækja, pípulagna í dreifbýli, vatnsúðakerfa (sprinkler), eldri lagnakerfa, ástandsskoðana, ráðgjafar og byggingarstjórnar. Hann hefur unnið með fasteignaeigendum, húsfélögum, fyrirtækjum og verktökum að fjölbreyttum verkefnum við pípulagnir, lagnakerfi og framkvæmdir.

Samhliða störfum sínum hefur Böðvar sinnt kennslu í pípulögnum við Tækniskólann og lagt sitt af mörkum til þróunar iðngreinarinnar. Hann hefur gegnt formennsku í Félagi pípulagningameistara og tekið virkan þátt í faglegri umræðu, fræðslu og hagsmunagæslu fyrir greinina.

Böðvar hefur sótt fjölda endurmenntunarnámskeiða hér á landi og erlendis og leggur ríka áherslu á að fylgjast með þróun og nýjungum innan fagsins. Ráðgjöf hans byggir á áratuga reynslu, faglegri þekkingu og vönduðum vinnubrögðum.

Lagnameistarinn ehf. var stofnaður árið 2008 og veitir þjónustu á mannvirkjasviði. Áhersla er lögð á vönduð vinnubrögð, gott samstarf og ráðgjöf sem byggir á fagþekkingu og reynslu.